الدكتور كمال الدسوقي يكتب.. احمد حلمى ومصنع الكراسي

احمد حلمي - كمال الدسوقي

حكايه وحلم بدءا من ستينات القرن الماضى وكلنا عارفين حكايته. بس احمد حلمى حكايه قصيرة بموته لكنها طويله وستبقى فى ذاكرة الزمان بذكراه العطرة، فكلنا الى زوال ولن يبقى الا وجه الله.
عرفته من ٦ سنوات فقط شاب طموح يافع بشوش مثقف متعلم جميل الخلق والاخلاق وتحدثنا سويا لبضع دقائق ولأنه يجذب قلبك وروحك من اول مرة بدأت صداقتنا واصبحنا زملاء فى اتحاد الصناعات المصرى هو فى غرفه الأثاث وانا فى مواد البناء واصبحنا نلتقى ونتحدث يوميا عن هموم ومشاكل صناعاتنا واوجاعنا واحلامنا وافراحنا، وظل يتابع صفحتى باعجاب شديد وانا اقول له يا احمد انت من وجه نظرى انسان عبقرى قادر على قيادة وزارة وليس غرفه صناعية كل مؤهلاتك النفسية والشخصية تلزمني ان اقول لك ذلك فينظر الي بابتسامته المعهودة ويقول المنصب زائل ولدى طموح كبير فى مصانعى الى ان فوجئت بكرسى مكتوب عليه أسمى من مصنع الكراسي هديه لمكتبى، وقولت له: ما هذا الجمال ما هذا الإبداع، انت اللى عامله يا احمد؟، كيف طورت فكرة كرسى خيزران فى المقاهى فى كل حته فى مصر من ٧٠ سنه الى هذة التحفه الفنيه الجميله، قال لى يا دكتور الإبداع فطرة فى الانسان بس عايز الفرصه يظهرها واحنا عندنا مبدعين كتير عايزين فرصه.

مرت بضعه شهور ليطلب منى عزل المصنع الجديد وأرسلت له طاقم العمل ونسيت الموضوع
وبعد شهر تقريبا
قالى ايه الجمال والحلاوة دى
جمال ايه يا احمد شغل العزل بتاعك قالى انا هتصور سلفى وابعتهولك وبعدين سألني العزل دا مصرى قولت له آه زى مصنع الكراسي مصرى ١٠٠%، رد وقالى: تحيا مصر.
وكنا نجلس سويا متجاورين فى جلسات الاتحاد نتحاور ونتكلم لمدة ساعتين مرة كل شهر، وقبل اسبوع هاتفنى شريف فرج صديقى من تليفونه الا انى فوجئت الذى يحدثنى احمد حلمى
يا دكتور نعم يا شريف
يا دكتور انا مش شريف
ايه دا مين
احمد حلمى
انت تعرف شريف فرج صحبى
يا كمال احنا متربين سوا
يا نهار ابيض
طيب هنتقابل امتى انا عازمكم
قالى اول ما نرجع من شرم الشيخ انا وانت هنكلم شريف ونتقابل
وفجأة اعتذر عن السفر بسبب المعرض
وقابلته اخر مرة فى عزاء والدة الزميل احمد عبد الحميد وبحضن كبيييير وطويل وكأنه يودعنى وقالى اشوفك بخير لما ترجع من المؤتمر
ولم يحدث ولن يحدث
لا ادرى كيف استمر وانت غائب عنا لا أعرف كيف اجلس وانت غير موجود بجانبى لا أعرف كيف لا نتكلم سويا
اليوم رحلت عنا وتركت بداخلنا جرح لن يلتئم الا بلقاءك عند رب كريم
فى جنات النعيم
لا أعرف كيف سنقف خلف حكايه مصنع الكراسي
لكن سيظل حلم احمد حلمى ممثلا فى اولادة وزوجته وعائلته
هو حلم كل من احبك كل من عرفك كل من عمل معك كل اصدقاءك
حلم كل المصريين
ليظل
احمد حلمى ايقونه
مصنع الكراسي
وداعا يا صديقى

قد يعجبك ايضا

اترك رد

أحدث الأخبار

1 من 4٬811

مراجعات

1 من 4٬811