الكثير من الناس والمواطنين يبحثون عن طرق بديلة لشراء المنتجات المختلفة دون تحمل السعر كامل أو دفعه دفعة واحدة، ولذلك يلجأ الكثيرون إلى شراء المنتجات بالتقسيط لتقليل حجم المدفوعات الفورية، ويرصد إليكم موقع “اقتصادنا” مجموعة من النصائح لشراء المنتجات بالتقسيط وتوفير الأموال.
6 نصائح لشراء المنتجات بالتقسيط وكمان توفر فلوس
1 – لما تفكر تشترى المنتج المتاح بالتقسيط أنت بتستفيد من السعر الحالى له وده أفضل علشان توقعات ارتفاع سعره فى ظل أزمة ارتفاع الأسعار عالميًا وكمان أفضل ما تدفع تمنه فلوس كاش علشان توفر لنفسك سيولة.
2 – دور على عروض التقسيط من المحلات المختلفة واتعامل معاهم بشكل منتظم علشان تقدر توفر فلوس.
3 – أى منتج بتشتريه والمحل أو التاجر عنده نظام تقسيط اطلب تقسيط المنتج فورًا على أطول فترة ممكنة علشان متعملش ضغط على التزاماتك الشهرية.
4 – كارت الائتمان دلوقتى مهم جدًا فى الشراء والتقسيط من التجار بدون فائدة على مدد تقسيط تتراوح بين 3 شهور و 3 سنوات.
5 – فى نوع تانى من تقسيط معاملة الشراء لكارت الائتمان بتشترى وبعد كدة بتكلم Call Center البنك علشان يقسط العملية ودى بتكون برسوم تقسيط من 3% إلى 20% على حسب مدة التقسيط.
6 – اتعامل بالشراء أونلاين بكروت البنوك لأن بيبقى فيها خصومات وعروض خاصة للشراء وهتوفر فلوس برضه.
ويعرف التقسيط بأنه شراء المنتجات دون دفع القيمة المالية لها مرة واحدة، في نظير قيام البائع بإضافة نسبة إضافية على سعر المنتج الأصلي قبل التقسيط، وتختلف النسبة باختلاف فترات السداد، والكثير من الناس يتعاملون بهذه الطريقة في الوقت الحالي لتقليل الضغط على النفقات.
