1 – حافظ على الفلوس الكاش اللى معاك قدر الإمكان الفترة الجاية.
2 – لو معاك فلوس زيادة، الاستثمار الأهم دلوقتى شهادة 18% هتجيب لك 1500 جنيه شهريًا لمدة سنة على استثمار قيمته 100 ألف جنيه.
3 – إوعى تكسر شهادة 11% علشان تشترى شهادة 18% لأنك هتخسر.
4 – الشقة الإيجار أفضل من التمليك دلوقتى علشان تحافظ على السيولة ولو بديل يكون التمويل العقارى علشان الأفضل نظام التقسيط.
5 – الاحتفاظ بالدولار غلط دلوقتى لأن الفايدة على الجنيه أعلى.
6 – اشترى أى حاجة بالتقسيط لأن قيمة القسط بتقل مع ارتفاع الأسعار عالميًا.
7 – ابعد عن شراء أى منتجات غير ضرورية لأن الفلوس الكاش أهم.
8 – ده وقت مهم جدًا لتقليل الاستهلاك من أى منتجات تحديدًا الضارة بالصحة والحقيقة دى فرصة ذهبية.
9 – امسك فى وظيفتك الحالية كويس وطور أدواتك.
10 – الحاجة اللى محتاج تشتريها ضرورى دلوقتى اشتريها النهاردة قبل بكرة وبرضه بالتقسيط.